大公產品

首頁 > 产品 > 港东港西 > 正文

?曾俊華原來係「無證」人士

時間:2017-02-10 03:15:25來源:全球最大的博彩公司_全球正规博彩公司排名_全球最大网赌正规平台

  行政長官選舉參選人曾俊華(鬍鬚)竟然係「無證人士」?尋日鬍鬚去立法會見自由黨時遲曬大到,等到自由黨黨魁鍾國斌頸都長埋,原來鬍鬚出門時竟然無帶身份證,唔能夠於立法會秘書處櫃枱登記辦理通行證,場面相當尷尬。後來立法會職員運用酌情權先行放佢入去同自由黨會面。鬍鬚就叫個司機折返佢位於灣仔合和中心嘅辦公室,攞返身份證補辦手續。

  佢都唔係第一次衰呢瓣!等鄭晴同大家回顧下,前年年底,鬍鬚就落地區諮詢會被人掟雞蛋一案去東區裁判法院作供,嗰次都係無帶身份證,當時佢同裁判官解釋話,秘書經常需拎佢張身份證辦理外訪所需嘅簽證文件,所以唔慣帶喺身。之但係佢都無做官一排啦,今次唔帶身份證,又點解釋先?

  未能出示身份證屬違法

  做咁多年政府高官,鬍鬚無理由唔知唔帶身份證出街係犯法啩?等鄭晴提下大家,根據《入境條例》115章17C條,任何年滿15歲嘅香港居民,須時刻攜帶身份證明文件,如年滿15歲又未能按警員要求出示身份證明文件便屬違法,經定罪可被罰款5000港元!不過,鄭晴都好感嘆,鬍鬚咁大「甩轆」,又唔見啲人話佢「離地」,只可以話,好多人真係「對人不對事」囉。

  鄭 晴

最新要聞

最新要聞

最受歡迎

标题
标题
标题
标题
标题
标题